Yn ddiweddar, ymunodd Ryan Powell â ni fel prentis yn ei drydedd flwyddyn. Daeth Ryan aton ni yn dilyn penderfyniad i gau safle Tata Steel lle roedd yng nghanol ei brentisiaeth. Rydym wrth ein boddau ei fod wedi dewis Llanw i gwblhau ei daith tuag at ddod yn drydanwr cymwysedig.
Mae Ryan wedi ymgartrefu’n gyflym ac mae eisoes yn profi’r manteision. Dywedodd wrthym,
“Mae’r tîm wedi bod yn wych. Mae pob un ohonynt yn hyfryd ac yn awyddus i addysgu pethau i mi.” Hefyd dywedodd, “Rwy’n teimlo fy mod wedi dysgu mwy yn ystod y ddwy wythnos gyntaf nag erioed o’r blaen.”
Cynhaliwyd sgwrs â Ryan i glywed sut mae’n ymdopi a sut mae ei brentisiaeth yn ei helpu i gyrraedd ei nodau gyrfa. Gallwch wylio fideo byr o’i brofiad yma:
Yn Llanw, rydym yn credu mewn cefnogi dawn leol a helpu pobl yn ein cymuned i dyfu. Dyna pam ein bod wedi ymrwymo i gynnig rolau prentisiaethau blynyddol. Rydym yn dymuno helpu unigolion o Ben-y-bont ar Ogwr a’r cyffiniau i ddysgu, i dyfu ac i wireddu eu breuddwydion gyrfa.
